Rikard Berges pris

Innhald:
Kven var Rikard Berge?

Rikard Berge var fødd på garden Berge i Rauland i 1881. Han voks opp på ein gard med eit rikt kulturliv som vekte interessa hans for folketradisjonar, slekts- og lokalhistorie. Etter lærarskule på Notodden var han lærar på ulike plassar på austlandet før han i 1907 slo seg ned i Kviteseid. I 1908 gifta han seg med Johanna Bugge, dotter til professor Sophus Bugge.
          Både i åra som lærar, men særleg i perioden 1908 til 1916 dreiv han eit intenst innsamlingsarbeid. Han hadde studieopphald i Oslo og Københamn, medan han gjorde arkivarbeid og skreiv av mengder arkivstoff om bygdene i Telemark. Mykje av dette bruka han i bygdeboka om Rauland og Vinje.
          I 1916 vart han tilsett som styrar av Fylkesmuseet for Telemark og Grenland. Då hadde han til saman publisert over 40 større og mindre arbeid om folkekultur. Museet vart arbeidsplassen hans til han gjekk av med pensjon i 1951. Til tross for dei tronge økonomiske tidene gjorde han ein stor innsats for museet, samstundes som han skreiv dei to siste band av bygdeboka for Rauland og Vinje. I tillegg redigerte han tidsskriftet Norsk Folkekutur gjennom 20 årgangar.

(Du kan lese meir om arbeidet hans i årsskriftet nr. 9 1988, m.a ein selektiv biografi utarbeida av Reimund Kvideland)


Konservator Rikard Berge i samtale med informant Margit Tveiten i Grungedal. Bak sit kona Johanna Bugge Berge.

Konservator Rikard Berge i samtale med informant Margit Tveiten
i Grungedal. Bak sit kona Johanna Bugge Berge.

Vedtekter for Rikard Berges pris for lokalhistorie i Telemark.
(Vedteke på styremøte i Telemark Historielag 2. juni 2005)
§1.

Kvart år skal det delast ut ein pris for lokalhistorisk arbeid om Telemark. Vilkåret er at det blir funne verdig(e) kandidat(ar). Styret i Telemark Historielag kan vedta at det enkelte år ikkje skal delast ut pris.

§2.

Namnet er Rikard Berges pris for lokalhistorie i Telemark. Prisen ligg under styret til Telemark Historielag, som fastset vedtektene.

§3.

Prisen blir utdelt av styret i Telemark Historielag etter innstilling frå ein komité sett saman av tre personar ved Institutt for kultur- og humanistiske fag ved Høgskolen i Telemark, Telemark Museum og styret i Telemark Historielag vel kvar ein representant. Medlemene skal veljast for tre år om gangen. Representanten for historielaget leier arbeidet i komiteen.



  • Rikard Berges pris 2007: Ragnar Lurås og Ragnvald Christenson for boka Ljos og kraft til alle heimar    (BEGRUNNELSE).
  • Rikard Berges pris 2006: Rauland Historielag (BEGRUNNELSE).
  • Rikard Berges pris 2005: Arne Espelund for boka Jernet i Vest-Telemark - der tussane rådde grunnen    (BEGRUNNELSE).
  • Rikard Berges pris 2004: Peter Fjågesund og Drangedal Historielag (BEGRUNNELSE).


    • Komitéen består av førsteamanuensis Sigrid Bø fra Høgskolen i Telemark, konservator Tor Kjetil Gardåsen fra Telemark Museum, og Kirsten Tangen fra Telemark Historelag som leder komitéen.

    Henvendelse til Rikard Berges fond kan skje via Telemark Historielag ved
    Ingvar Skobba, Haugvegen 8, 3800 Bø i Telemark eller på e-post: iskobba@online.no



    Opphavsrett Telemark Historielag © 2001 - 2008


    Innhald: